Zernez: Concedì credit per nova maschina da far glatsch
A Zernez ha la radunanza communala concedì in credit da 50'000 francs per remplazzar la maschina da far glatsch ed in credit da 10'000 francs per cumprar ina parcella ed approvar il contract correspundent.
Plinavant è la radunanza vegnida orientada ch'i dat l'entschatta zercladur in'orientaziun davart il project da fusiun da las vischnancas Guarda, Lavin, Susch e Zernez. La fusiun vegn lura tractandada en tuttas 4 vischnancas ils 21 da zercladur. (gc/cdp)
