Frantscha: Hollande e Sarkozy han debattà 3 uras
-
- Zoom
- François Hollande (san.) e Nicolas Sarkozy han debattà ditg a la televisiun. (Reuters/Keystone)
En Frantscha ha la debatta a la televisiun tranter ils dus candidats per il presidi, François Hollande e Nicolas Sarkozy, durà bunamain 3 uras. Igl è stà il sulet duel a la televisiun durant il cumbat electoral. Radund 20 milliuns persunas han guardà el.
Hollande e Sarkozy han discutà principalmain davart la situaziun economica, il deficit statal, la crisa da daivets en l'Europa e la politica envers immigrants da l'Africa.
Nagin victur clar
Suenter il duel a la televisiun tranter Nicolas Sarkozy e François Hollande na vesan las medias franzosas nagin victur clar. Ils blers scrivan d'ina debatta fitg tendida e tecnica uschia per exempel la gasetta Le Parisien. Era d'in duel senza schanetg è vegnì discurrì - quai pervi dal tun recent tranter ils dus candidats per il presidi dal pajais.
Dumengia proxima è il segund e decisiv scrutini per eleger il nov president da la Frantscha. (ec/sda)
