Scuol: Novs interessents per Hotel Palace

  • Publicaziun: 03-05-2012, 16.24

Enturn la vendita da l'Hotel Scuol Palace datti puspè moviment. In gruppa d’investiders da l’Italia dal nord e dal Tessin han fatg in dumonda concreta al cussegl da vischnanca da Scuol per in midament da zona enturn l'hotel en ina zona d'utilisaziun.

Quai per pudair bajegiar ina part abitaziuns sin la parcella. Ussa è l'hotel en ina zona d'hotel. Il cussegl da vischnanca è da principi d’accord cun la midada, pretenda dentant che la gruppa d'investiders haja ils mezs finanzialas necessaris.

 

 

Fasa d'elavuraziun

 

Tenor il cussegl da vischnanca n'è anc nagut suttascrit. Quai conferma era Romedi Castellani, ch'è architect e la persuna da contact dals investiders. Ils plans da la gruppa sajan anc en la fasa da l'elavuraziun da quest project. (rm/fc/rtr)