Siria: 8 schuldads svizzers sco observaturs

Il Cussegl federal ha decidi da sa participar cun enfin 8 schuldads a la missiun da l'ONU che duai survegliar l'armistizi ed il plan da pasch en la Siria. Ils schuldads vegnan a s'engaschar sco observaturs e na vegnan betg ad esser armads. L'ONU aveva dumandà la Svizra per sustegn.

Tenor il Cussegl federal èn ils observaturs in emprim pass per stabilisar la situaziun e da promover ina soluziun politica da la crisa en la Siria. Gia mez avrigl aveva il Cussegl federal decidì da sa participar a la truppa da l'ONU che va sco emprima en la Siria.

Entant cuntinuescha la violenza en la Siria. Trais dis avant las elecziuns parlamentaras ha l'opposiziun rapportà d novas attatgas da las truppas statalas. Tar quellas sajan almain 25 persunas mortas. (ec/sda)