Ucraina: Julia Timoschenko vegn pli e pli flaivla
-
- Zoom
- Tenor la figlia da Timoschenko na possia sia mumma strusch pli sa muventar. (Keystone)
Il stadi da sanadad da l'anteriura scheffa da la regenza ucraina Julia Timoschenko sa pegiurescha. Ella saja bler pli flaivla che anc avant paucs dis, ha ditg la figlia da Timoschenko envers in emettur da televisiun tudestg.
Ella na possia strusch pli sa muventar. La supplica da la famiglia da terminar la chauma da la fom, n'haja nagin success. Julia Timoschenko è en praschun en l'Ucraina. Dapi radund 2 emnas refusa ella da mangiar. Ultra da quai ha ella problems cun ses dies ed ina glista. (fc/sda)
