Frantscha: Elecziun decisiva ha entschet
-
- Zoom
- François Hollande (san.) vala sco favurit. Dretg è il president en uffizi Nicolas Sarkozy. (Reuters/Keystone)
L’elecziun decisiva per il president en Frantscha ha entschet cun l'avertura dals locals d'elecziun surmar. Dapi oz a las 12.00 uras pon 5’000 electurs sin las inslas Saint-Pierre e Miquelon avant la costa atlantica dal Canada, eleger il nov president da la Frantscha. En il pajais mamma avran ils locals pir damaun.
Sco favurit vala il socialist Francois Hollande. Gia dapi mais maina el en tut la retschertgas avant il president en uffizi Nicolas Sarkozy. Lez ha però sminuì considerablamain la distanza tar Hollande. (fc/sda)
