Iran: Ulteriura sconfitta per Ahmadinedschad
-
- Zoom
- Il president da l'Iran ha era en la 2. runda d'elecziuns pers sezs en il parlament. (Reuters)
Ulteriura sconfitta per il president da l'Iran Mahmud Ahmadinedschad. Era en la segunda runda da las elecziuns parlamentaras ha l'allianza conservativa da ses adversari, il president dal parlament Ali Laridschani, gudagnà ils pli blers sez. Quai rapportan las medias statalas.
L'allianza conservativa aveva gia en l'emprima runda da las elecziuns gudagnà bun 70% da tut ils 290 mandats en il parlament. (fc/sda)
