Miracul blau: Quart’etappa ha cumenzà
-
- Zoom
- Ernst Bromeis e ses project Il miracul blau – Rain 2012. (RTR, A. Wieland)
Oz a las 08.00 uras ha entschet la quart’etappa dal “Miracul blau – Rain 2012”. En quest’etappa vul il sportist Ernst Bromeis nudar Rehanau a Sargans.
L’etappa dal venderdi, da Glion fin Rehanau, che maina tras la Ruinaulta, è stada fitg dira, uschia Ernst Bromeis. Cunzunt a Trin ha Bromeis sentì che sias forzas svaneschan tic a tic.
A Bromeis èsi dentant reussì da nudar l’entir tschancun. Tenor Ernst Bromeis saja quest ruta stada privlusa. El haja cun tutta forza stuì guardar da vegnir davent da la crappa ch’è en il Rain.
Fin en l'Ollanda
La finamira finala da Bromeis è da nudar fin a Rotterdam. L’intent da quest project "Miracul Blau - Rain 2012" è da far attent sin l’impurtanza da l’aua. (fc/rtr)
A las 08.00 uras ha la terz'etappa dal "Miracul Blau - Rain 2012" cumenzà. Sin la terz'etappa noda Bromeis davent da Glion fin a Rehanau/La Punt. A Rehanau/La Punt è Bromeis arrivà a las 17.00. dapli Miracul Blau: Terz’etappa è a fin
