Frantscha: Gronda participaziun ad elecziuns
-
- Zoom
- Enfin ussa èn dapli che 30% da las votantas e votants ids a l'urna. (Keystone)
Tar l'elecziun decisiva en Frantscha sa mussa ina gronda participaziun a las elecziuns per il president. Sco quai ch'il ministeri da l'intern infurmescha hajan enfin mezdi gia dapli che 30% dals burgais votà.
En Frantscha decidan oz da quai da 45 milliuns burgais tgi che maina il pajais ils proxims 5 onns. U il socialist Francois Hollande u il president conservativ en uffizi Nicolas Sarkozy.
-
- Zoom
- François Hollande ha bunas schanzas da daventar nov president da la Frantscha. (Reuters)
Hollande è optimistic
A moda fitg relaxada èn ils 2 candidats per il presidi da la Frantscha, François Hollande e Nicolas Sarkozy, ids a l'urna. Cun in surrir giovial e salidond ils preschents è Hollande ensemen cun sia partenaria Valérie Trierweiler ì a votar en in bajetg public da ses circul electoral a Tulle.
-
- Zoom
- Il president actual Nicolas Sarkozy avant l'urna. (Reuters)
Sarkozy cun buna luna
Era ses concurrent e president actual Nicolas Sarkozy ha gia votà. Cun buna luna ha el fatg quai ensemen cun sia dunna Carla Bruni en la chapitala Paris.Las emprimas calculaziuns approximativas vegnan publitgadas questa saira a las 8. (fc/sda)
