Glaruna: Na a lescha che vuleva scumandar chauns da cumbat
-
- Zoom
- A chaschun dal cumin han ils da Glaruna ditg na a la lescha. Dentant han els decidì d'introducir in'obligaziun da dumandar ina permissiun per tut ils chauns che pon esser privlus. (Keystone)
Ils da Glaruna han ditg na a la lescha che vuleva scumandar chauns da cumbat. Cun la proposta da la regenza avess la Glaruna survegnì ina da las pli restrictivas leschas da chauns da la Svizra.
Il cumin ha dentant decidì d'introducir in'obligaziun da dumandar ina permissiun per tut ils chauns che pon esser privlus. Ina permissiun dovri en il futur era lura sch'ins vul tegnair dapli ch'in chaun per chasada.
Ulteriuras decisiuns
Plinavant ha il cumin da la Glaruna decidì da bajegiar ora il traffic public e d'engaschar lavurers socials a las scolas. Sco nov landamma ha la raspada elegi Andrea Bettiga da la PLD. (fc/sda)
