Mountainbike: Nino Schurter gudogna era a Solothurn
-
- Zoom
- Nino Schurter gudogna era la segunda cursa da la Cuppa svizra. (Keystone)
Il mountainbiker grischun Nino Schurter gudogna era la cursa da la Cuppa svizra a Solothurn.
Schurter ha gudagnà la cursa cun 3 secundas avantatg sin il campiun da la Germania Moritz Milaz e ses collega da squadra Christoph Sauser. Nino Schurter aveva gia gudagnà l’emprima cursa da la Cuppa svizra a Buchs. Uschia defenda Schurter era la testa dal classament general dal Swiss Bike Cup. Per il mument maina Nino Schurter cun 2 victorias e 200 puncts. Quai èn 20 puncts avant Moritz Milatz e Lukas Flückiger.
A la testa da Cuppa mundiala
En il medem mument maina il mountainbiker grischun era la Cuppa mundiala da mountainbike. Las proximas cursas èn la proxima fin d'emna a Nove Mesto en Tschechia. La victoria tar il Swiss Bike Cup a Solothurn era l'ultim test da furma avant las cursas da Nove Mesto. (fc/si)
