Siria: Pievel duai boicottar las elecziuns parlamentaras
-
- Zoom
- Tenor l'opposiziun èn las elecziuns in'emprova cinica dal president al-Assad (foto). (Keystone)
L'opposiziun siriana en l'exil ha appellà als carstgauns en la Siria da boicottar las elecziuns parlamentaras da damaun. Ellas sajan be in'emprova cinica da president Baschar al-Assad da restar a la pussanza, ha declerà l'opposiziun.
Per la regenza èn las elecziuns per ils 250 sez en il parlament a Damascus in clar mussament ch'ella saja pronta da far refurmas. Dapi la stad passada han 9 partidas survegnì ina licenza. Ils blers adversaris enconuschents èn dentant en praschun ubain scappads en l'exteriur. (fc/sda)
