Svizra: Füglistaler sa dosta cunter critica tar engrondiment da rait da viafier
-
- Zoom
- Tenor Peter Füglistaler, directur da l'uffizi federal da traffic stoppian ins prioritar projects nua ch'i dettia stretgas e nua che la dumonda saja gronda. (Keystone)
Il directur da l'uffizi federal da traffic sa dosta cunter las rinfatschas da 15 chantuns che la Confederaziun mettia fallidas prioritads tar l'engrondiment da la rait da viafier. La rinfatscha saja fallida, ha ditg Peter Füglistaler a la "Sonntagszeitung".
I saja nagina finamira da reparter l'engrondiment da la rait da viafier guliv sin l'entira Svizra. Prioritad hajan quels projects nua ch'i dettia stretgas e nua che la dumonda saja gronda. Sch'ils chantuns veglian dapli lura stoppian els era pajar dapli, uschia Füglistaler.
La gievgia avevan 15 chantuns da la Svizra centrala e da la Svizra orientala crititgà ils plans da la Confederaziun per l'engrondiment da la rait da viafier. (fc/sda)
