Svizra: Intermediar en dispita davart boicot da l’EM en Ucraina
-
- Zoom
- Tenor il cusseglier federal Didier Burkhalter è la Svizra pronta da gidar. (Keystone)
La Svizra è pronta dad intermediar en la dispita davart in boicot dal campiunadi europeic (EM)da ballape en l'Ucraina. Sco quai ch'il cusseglier federal Didier Burkhalter ha detg en la gasetta NZZ da la dumengia, dispona la Svizra da la cumpetenza necessaria e saja pronta da gidar.
Berna saja gia dapi intgins mais en contact cun las autoritads da l'Ucraina. D'in boicot da la Svizra na vul Burkhalter dentant savair nagut. El na craja betg ch'in boicot dals gieus en l'Ucraina porti insatge en la situaziun actuala.
Tschertas regenzas boicotteschan
La cumissiun da l’Uniun Europeica e differentas regenzas europeicas ha decidì da na betg visitar ils gieus dal campiunadi d'Europa en l'Ucraina. Uschia ins vul protestar cunter il tractament da l'anteriura primaministra da l'Ucraina Julia Timoschenko. (fc/sda)
