Cuira: Garantir la segirtad tar las lingias da gas
-
- L'auto tschitscha l'aria e la controllescha sin gas. (TR)
A Cuira e conturn furnischan las ovras industrialas Cuira (IBC) gas natiral per 2'200 chasas. Las lingias da rait da gas tanschan sur 163 kilometers. Quai è quasi tant sco da Mustér a Müstair. Ina sfida per las controllas ch'i na dettia naginas rusnas.
Adina puspè ston las lingias vegnir controlladas, per che nagin gas vegnia en l'aria. Eventualas sfessas ston vegnir scuvertas e reparadas. Per controllar las lingias chaminan ils examinaturs lung la rait da gas cun in instrumaint che tschitscha l'aria sur la lingia ed inditgescha, sche gas sorta. Cuira fa quai però cun in auto. (sd/uca)
