Genevra: Schneider Ammann vul saver dapli da Serono
-
- Zoom
- Il concern da farmacia tudestg Merck vul serrar la sedia principala da Merck Serono a Genevra ch'era pli baud en possess da la famiglia Bertarelli. (Keystone)
Il cusseglier federal Johann Schneider Ammann è s'inscuntrà cun la regenza da Genevra e la direcziun dal concern da farma e chemia Merck Serono. La finamira: salvar las 1'250 plazzas che Merck Serono vul stritgar.
Sco quai ch'il departament federal da l'economia publica ha communitgà saja la finamira da l'inscunter stà d'intervegnir dapli davart ils motivs da vulair serrar la sedia principala da Merck Serono a Genevra.
Il concern tudestg-svizzer ha communitgà avant duas emnas da relaschar la centrala. A Genevra van 1'250 plazzas da lavur a perder. (sda/uca)
L'interpresa da farmazia Merck Serono stritga a Genevra 500 plazzas da lavur. Las ulteriuras 750 plazzas da lavur vegnan transferidas en Germania, en ils Stadis Unids da l'America ed en la China. dapli Genevra: Merck Serono stritga 1'250 plazzas (novitad dals 24-04-2012)
