L'avrigl eran registradas prest 2'200 persunas senza lavur, quai èn 580 persunas dapli ch'il mars.

Tenor l’uffizi per industria, mastergn e lavur dal Grischun, correspunda quai ad ina quota da dischoccupaziun da 2,1%.

Prest mintga segunda persuna senza lavur deriva da la gastronomia.

Damain dischoccupads en Svizra

La quota da dischoccupaziun è sa sbassada durant l’avrigl en Svizra per 0,1% sin 3,1%.

Tenor il secretariat statal d'economia SECO, eran 123’158 persunas senza lavur, quai èn 3234 persunas pli pauc ch'anc il mars.

Zunt fitg è sa sbassada la quota da dischoccupaziun da giuvenils. Quella è sa reducida per 4,5% ed è cun ina quota da 3 % schizunt pli bassa che la quota da dischoccupaziun da la populaziun totala.

(fa/sda)