Trun: Gea al consorzi da scola Sumvitg-Trun
-
- Zoom
- La vischnanca da Trun. (ANR, G. Venzin)
Il project per fusiunar las scolas da Trun e Sumvitg è in pass vinavant. Ier saira ha il cussegl da vischnanca da Trun ditg gea a la fundaziun dal consorzi da scola Sumvitg-Trun. Las cusseglieras ed ils cussegliers han era approvà ils statuts dal consorzi. Ussa sto la radunanza communala da Trun decider dal project. Gievgia saira decida la radunanza
communala da Sumvitg.
Ultra da quai è il cussegl da vischnanca da Trun vegnì orientà dal project Trun en l’avegnir. En quest connex stat il project dal campadi. Per quest project datti ina concurrenza e la scol’auta per tecnica e scienzià a Cuera sto elavurar in plan da business. (hg/rtr)
