Arosa: Planisaziun d’in nov internat da sport
-
- Zoom
- Yvonne Altmann dad Arosa, con-inizianta da la “Arosa Academy”. (RTR, F. Belotti)
Ad Arosa è planisà in nov internat, la Arosa Academy. Enfin 15 scolaras e scolars duessan pudair viver en l’internat. Cun l’alloschi per scolars vulan ils iniziants emplenir meglier las scolas ed ils clubs da sport dal lieu.
Sco quai che Yvonne Altmann, ina da las quatter iniziantas ha ditg al Radio Rumantsch, sajan sin ins sin buna via ed ins vegnia probabel a pudair avrir l’internat l’atun 2013. Ins haja il mument duas offertas concretas per pigliar a tschains in bajetg. L’internat na duai betg esser ina concurrenza per las scolas da sport da Ftan e Tavau. Tenor ils iniziants haja ins en egl scolaras e scolars che han plaschair vi dal sport. (aw/fb/rtr)
