San Gottardo: Grischun, Tessin, Vallais ed Uri ina marca
-
- Zoom
- La pagina d'internet da San Gottardo. (RTR, S. Monn)
La Surselva en il chantun Grischun, la Val d'Ursera en il chantun Uri, la Leventina, la Val da la Riviera, la Val dal Blegn en il Tessin ed il Goms en il Vallais. Questas regiuns èn en lur chantuns regiuns perifericas. Tuttas quatter valladas èn colliadas entras pass e vegnan ensemen al pass dal Gottard.
Dapi tschintg onns datti il project San Gottardo. La finamira da quel è da far ord quellas regiuns attractivs spazis da viver e fermas regiuns economicas. La regiun dal Gottard duai daventar enconuschent sut la marca San Gottardo. Enfin l’onn 2020 duai la marca esser stabilida, sco quai che Marc Tischhauser, il manader dal project San Gottardo ha ditg. (sm/rtr)
