Svizra: Populaziun vegn adina pli movibla
-
- Zoom
- Adina dapli glieud dovra il traffic public en Svizra. (mad)
La populaziun svizra fa adina dapli distanzas per il temp liber, la lavur e las cumissiuns. Per far quai dovran adina dapli glieud ils meds da traffic publics.
Quai resulta d'ina publicaziun da l'uffizi federal da statistica. Il 2010 ha il pievel fatg en media 7,1 km en trens, quai è 1,5 km dapli che 5 onns avant. Guardond sur tut ils meds da traffic viagescha ina persuna en media 37 km mintga di. La gronda part da quai vegn anc adina fatg en l'auto. (aw/sda)
