Europa: Criminalitad en l’internet crescha
-
- Zoom
- Fraud en l'internet crescha ad in crescher. (Keystone)
En l'Europa chaschuna la criminalitad en l'internet mintg'onn donns da 900 milliardas francs. Il fraud en l'internet vegni entant organisà en grond stil da bandas internaziunalas, sumegliant al traffic cun drogas. Quai ha ditg il schef da l'organisaziun internaziunala da polizia Interpol, Khoo Boon Hui ad ina conferenza a Tel Aviv.
Per la criminalitad organisada saja il fraud en l'internet oz pli lucrativ che autras furmas da criminalitad. Per scolar la polizia da tut il mund per cumbatter la criminalitad en l'internet vegni Interpol a stgaffir enfil il 2014 in center a Singapur, ha annunzià Hui. (aw/sda)
