Jemen: Agent ha impedì attentat sin aviun
-
- Zoom
- (maletg d'archiv) Agent ha impedì attatga cun bumba sin in aviun da passagiers ord il Jemen. (Keystone)
L'attatga cun bumba sin in aviun da passagiers saja vegnida impedida d'in agent che haja infiltrà l'organisaziun terroristica Al-Kaida. Quai scriva la gasetta "New York Times" e sa referescha sin las autoritads americanas e d'auters pajais.
L'um saja s'annunzià voluntarmain per l'attentat da suicidi. Empè d'exequir l'attentat saja el scappà ord il Jemen ed haja surdà la bumba ed infurmaziuns impurtantas als servetschs secrets dals Stadis Unids da l'America e da l'Arabia Saudita. Tenor infurmaziuns da funcziunaris da servetschs secrets vuleva la Al-Kaida en il Jemen transportar dascusamain ina bumba en in aviun che sgulava en ils Stadis Unids. La bumba fiss stada grev da detectar a l'eroport damai ch'ella na cuntegn naginas parts da metal. (aw/sda)
