Russia: Aviun sparì dals radars
La Russia tschertga in aviun da passagiers ch'è sparì dals radars. L'aviun saja sparì durant in sgol da test en l’Indonesia.
A bord sajan stadas totalmain 46 persunas. Il mument na sappian ins betg tge ch'è capità, uschia il schef da las autoritads da l'aviatica en l'Indonesia. Tar l'aviun sa tracti d'in aviun dal tip Superjet 100, l'emprim aviun da passagiers che la Russia ha construì dapi che l'uniun sovietica è crudada ensemen. (aw/sda)
