Siria: Violenza na para betg d’avair ina fin
-
- Zoom
- Kofi Annan tema che la Siria pudess glischnar en ina guerra civila. (Keystone)
En la Siria dettia anc adina da memia violenza. Quai ha ditg l'incumbensà spezial da las naziuns unidas Kofi Annan a las medias a Genevra. Avant aveva el infurmà il cussegl da segirtad da l'ONU davart la situaziun en il pajais en il Proxim Orient.
Kofi Annan tema ch'il pajais pudess glischnar definitivamain en ina guerra civila. Encunter las empermischuns haja l'armada anc adina betg bandunà ils quartiers d'abitar. I dettia era bleras attatgas sin schuldads e bajetgs da l'armada. El saja era inquietà pervia da las attatgas cun bumba. Tenor Kofi Annan èn ils observaturs da l'ONU la davosa schanza per impedir ina guerra civila. Il mument èn 40 en la Siria, tenor la veglia dal cussegl da segirtad duai la truppa vegnir augmentada sin 300. La Svizra trametta 8 observaturs. (aw/sda)
