Stadler Rail: Spuhler chala sco directur
-
- Zoom
- Cusseglier naziunal da la PPS, Peter Spuhler, resta directur da la Stadler Group. (Keystone)
L'interprendider e cusseglier naziunal da la PPS Peter Spuhler n'è betg pli directur da la Stadler Rail Svizra. Spuhler vegni a sa concentrar sin la direcziun da l'entira gruppa, communitgescha il producent da trens e chars da viafier.
La direcziun da la figlia svizra surpiglia Markus Bernsteiner che manava enfin ussa la fabrica a Bussnang. Peter Spuhler resta president dal cussegl d'administraziun e directur da l'entira Stadler Group. En tut emploiescha la Stadler Group bun 4500 persunas, passa la mesadad en Svizra. Quest onn quinta Stadler cun ina svieuta da 1,3 milliardas francs. (gc/sda)
