Svizra: Cassa duai pajar vinavant abort
-
- Zoom
- Cussegl federal recumonda da refusar l'iniziativa che pretenda che aborts ston vegnir finanziads sez. (Keystone)
La cassa da malsauns duai vinavant pajar ils custs per in abort. Il Cussegl federal recumonda perquai da dir na a l'iniziativa cun il num "la finanziaziun da l'abort è chaussa privata".
Sco quai ch'il Cussegl federal scriva vul el ch'i stettian era il futur criteris morals, religius u socioetics en il center da la dumonda per ni cunter in abort e na betg las finanzas. Il Cussegl federal na vul perquai betg midar la lescha ch'era vegnida approvada dal suveran svizzer cun in gea da 72% avant 10 onns. (gc/sda)
