Svizra: Sa gidar vid il pli grond telescop
-
- Zoom
- Betg il pli grond telescop dal mund, dentant tuttina bain frequentà. (Keystone)
La Svizra vul sa participar a la construcziun dal pli grond telescop dal mund. L'uschè numnà "European Extremely Large Telescope" duai vegnir bajegià sin in culm a Chile.
Il cussegl federal ha decidì da contribuir 65 milliuns francs a la construcziun da quest telescop. Quai èn 5% dals custs totals. Uschia vul il cussegl federal garantir che scienziads svizzers pon er far diever da quella infrastructura d'emprima qualitad.
Ils custs totals per il telescop muntan a 1,3 milliardas francs. Il zercladur da quest onn decida l'organisaziun europeica per astronomia definitivamain sche quest telescop po vegnir construì u betg. (gc/sda)
