Ucraina: Julia Timoschenko en l’ospital
-
- Zoom
- Julia Timoschenko, anteriura primministra da l'Ucraina. (Keystone)
L'anteriura primministra da l'Ucraina Julia Timoschenko è vegnida transferida da la praschun en in ospital. Sut grondas mesiras da segirtad è la dunna da 51 onns vegnida transportada en la clinica. Quai rapportan diversas agenturas da novitads.
En l'ospital duess ella vegnir tractada en preschientscha da medis tudestgs. Il tractament da Timoschenko entras la regenza ha procurà il davos temp per grondas discussiuns e smanatschas da pliras regenzas da boicottar il campiunadi europeic da ballape. (aw/sda)
