L'agir dals ospitals haja segiramain fatg donn a la Vita Surselva. La perdita da bunamain in terz dals clients na saja dentant betg sulet la culpa da quella dispita, ha ditg Schnoz.

Dal tuttafatg correct

Plinavant ha Schnoz fatg attent sin il rapport da l'uffizi federal da sanadad che menziuneschi, ch'ils process da lavur da la Vita Surselva sajan dal tuttafatg correct.

Na pajan betg ils quints

7 ospitals grischuns, tranter quests era l'ospital chantunal, avevan reclamà la stad passada tar l'uffizi federal da sanadad che la cassa da malsauns Vita Surselva na paja betg ils quints e saja en retard cun ils pajaments. La controlla da l'uffizi n'ha betg cumprovà la critica. Sinaquai avevan ils ospitals tratg enavos lur plant il mars. (fc/rtr)