L'iniziativa da segundas abitaziuns ha survegnì in "gea" dal pievel svizzer - uss èsi da nizzegiar la chaschun e da stgaffir spazi dad abitar pajabel.

Sut quest titel ha l'associaziun da locataris envidà ad ina conferenza da pressa. Tenor Beat Deplazes, suprastant da l'associaziun, sajan els fitg cuntents ch'il pievel svizzer haja ditg GEA a l'iniziativa. Uss dependia quai co che l'iniziativa vegnia realisada.

Il GEA saja ina gronda schanza per il chantun e las vischnancas da far midadas tar la politica dal terren. Cun la planisaziun locala possian las vischnancas far novs sforzs en favur dad abitaziuns pli bunmartgadas.

(fa/rtr)