Turin: Schmidheiny e de Cartier duain avair enconuschì privel d’asbest
-
- Zoom
- Ils preschents han tadlà tiers a la dretgira cura che quella ha sentenzià Schmidheiny e de Cartier a 16 onns praschun. (Keystone)
L'industrial svizzer Stephan Schmidheiny duai avair enconuschì il privel d'asbest. La dretgira a Turin ha publitgà si’argumentaziun da la sentenzia en il process cunter Schmidheiny ed il beltg Jean-Louis de Cartier, ils 2 anteriurs cumpossessurs da l'interpresa Eternit.
Tenor la dretgira hajan els 2 enconuschì ils effects nuschaivels d'asbest, dentant na fatg nagut encunter. Schmidheiny e Cartier eran vegnids sentenziads il favrer a 16 onns praschun pervia da mazzament nunintenziunà. En 4 fabricas talianas da l'Eternit eran mortas u vegnidas malsaunas pervia da l’asbest ch'ins ha duvrà var 3’000 persunas. (fc/sda)
