Val: Stoffel e Hotelba SA pudessan survegnir 4 milliuns francs dal chantun
-
- Zoom
- Las premissas ch'il chantun dess ina contribuziun a l'interpresa dal hotel e dal bogn termal a Val Sogn Pieder è in concept general ed ina glista da custs. (RTR, L. Livers)
Il finanziari Remo Stoffel e la Hoteba SA pudessan survegnir enfin 4 milliuns francs dal chantun Grischun: 2 milliuns a fond perdu ed in emprest da 2 milliuns francs.
Premissa per survegnir quests daners è in concept general ed ina glista da custs per renovar il hotel da la Terma da Val.
Quai ha la regenza respundì sin ina dumonda or dal cussegl grond. Sche quests daners vegnan propi pajads, alura ston la vischnanca u Remo Stoffel inoltrar ina dumonda per questa contribuziun.
I vala la presumziun d’innocenza
Avant ha la regenza grischuna respundì, co ch'ella giuditgescha il fatg, ch’il uffizis chantunals collavureschan cun l’investider Remo Stoffel; quai malgrà ch’el è involvì en divers process pervi da delicts probabels da taglia u sfalsificaziun da documents.
La regenza argumentescha ch’i vala la presumziun d’innocenza. La regenza na possia betg resguardar renfatschas che n’èn anc betg vegnidas valitadas giuridicamain.
(fb/fc/rtr)
