Lumnezia: Ultima infurmaziun avant votaziun
-
- Zoom
- Ils presidents communals èn pronts per la votaziun. Da san: Georg Derungs, Vignogn; Silvio Caviezel, Vrin; Pius Bundi, Cumbel; Daniel Blumenthal, Vella, Duri Blumenthal, Degen; Ueli Caduff, Morissen; Giusep Casanova, Lumbrein; Silvio Derungs, Suraua. (RTR, S. Monn)
La cumissiun da project Futur Val Lumnezia ed ils otg presidents communals da Cumbel, Degen, Lumbrein, Morissen, Suraua, Vella, Vignogn e Vrin han envidà la populaziun a la davosa occurrenza d'infurmaziun davart la fusiun da las otg vischnancas. Circa 100 persunas èn suandadas l'invit a Vella.
Tino Zanetti, ch'ha accumpagnà il project, ha anc ina giada explitgà ils detagls impurtants da la fusiun. Ulteriurs pledaders èn stads la presidenta da la regenza Barbara Janom Steiner, il mistral Anton Derungs ed il deputà Marcus Caduff.
Igl è stà la 18avla occurrenza d'infurmaziun davart il project da fusiun da las otg vischnancas lumnezianas. La votaziun ha lieu ils 25 da matg.
(sm/fa/rtr)
