Frantscha: Hollande ha surpiglià uffizialmain
-
- Zoom
- Il nov duo a la testa da la Frantscha: President François Hollande (san.) e ses premier Jean-Marc Ayrault. (Reuters)
Il president partent da la Frantscha, Nikolas Sarkozy, ha retschavì oz ses successur François Hollande per surdar l'uffizi en il palast Elisée. Tranter auter survegn Hollande ils cods per las armas nuclearas da la Frantscha.
Suenter in curt pled ha il nov president appellà a la populaziun da far ulteriurs sforzs en vista a problems sco daivets statals, la creschientscha memia pitschna da l'economia e la dischoccupaziun.
En quest connex ha Hollande annunzià in pact cun l'UE per stimular l'economia. Dapi 17 onns è Hollande l'emprim president socialist en Frantscha.
Ses emprim viadi maina Hollande questa saira a Berlin. Tema principal da ses inscunter cun la chanceliera tudestga Angela Merkel è la crisa en l'Europa e la tschertga da soluziuns.
Entant ha Hollande preschentà ses nov primminister. Igl è quai Jean-Marc Ayrault. Las ulteriuras persunas per ses cabinet vegn el a preschentar mesemna.
(fa/ec/sda)
