Grezia: Regenza d’experts duai manar pajais ord crisa
-
- Zoom
- Da san: Fotis Kouvelis da la Sanestra democratica, Antonis Samaras dals Conservativs, il president Karolos Papoulias ed Evangelos Venizelos dals Socialists en discurs da coaliziun. (Keystone)
En Grezia èn ils discurs per in'eventuala soluziun en la dispita per ina regenza da coaliziun vegnids spustada sin oz.
Oz vul il president da la Grezia, Karolos Papoulias s'inscuntrar ina davosa giada cun tut ils schefs da las differentas partidas.
Suenter ils discurs dad ier ha il manader dals Socialists, Evangelos Venizelos dà enconuschent, che Papoulias proponia ina regenza d'experts per schliar la crisa en ses pajais.
Na datti era oz nagina soluziun, smanatschan elecziuns novas en radund in mais.
(fa/sda)
