Place for space è in project che dat la pussaivladad a la giuventetgna grischuna da survegnir in plaz per viver sia creativitad, sias ideas e ses giavischs entaifer la vischnanca.

L'uniun tetgala per la lavur da giuventetgna en il Grischun, jugend.gr porscha la plattafurma, la fundaziun Drosos da Turitg finanziescha il project che cuzza 3 onns.

Drosos metta a disposiziun in mez milliun francs. Il project è lantschà ed ussa vegnan tuttas vischnancas, scolas, uniuns u posts da giuventetgna orientads davart quest project.

Premissas per realisar in'emna u intgins dis da project en ina vischnanca è, ch'almain 10 giuvens u giuvnas sa participeschan. Plinavant sto il purtader, saja quai vischnanca u scola, contribuir maximalmain 500 francs.

(fa/rtr)