Igl è stà ina cursa cun sis e gius a Nove Mesto. Il cumenzament n’hai insumma betg vis or sco sche Schurter gudagnass ella.

Pervi da problems cun la chadaina, ha Schurter gia gì suenter l’emprima da sis rundas in retard da 6 secundas.

Schurter ha dentant mantegnì la gnerva ed ha gudagnà avant il matador local Jaroslav Kulhavy cun 6 tschientavels avantatg. Il sid-african Burry Stander è daventà terz.

Ils resultats dals ulteriurs Svizzers:
5. Ralph Näf
7. Fabian Giger
8. Florian Vogel

(sd/fa/sda)

 

Mintgin ha ina giada cumenzà pitschen
Era Nino Schurter, in dals megliers ciclists dal mund, ha ina giada cumenzà fitg pitschen. El ha cumenzà sia carriera da velo en il Club da velo Surselva.

Il club, fundà 1980 da 31 amis dal sport da velo, dumbra oz 220 persunas. Uffants che han il hobi ir cun velo, dentant era ciclists da cursa.

Per blers dal Club da velo Surselva vala Schurter sco idol, ès el gea in or da lur retschas.