Pajais socialists e communists èn entant svanids, auters projects autonoms era, Salecina exista anc e po festivar quest onn giubileum.

En il Center Salecina ston tuts sa gidar
Salecina sa numna l’anteriur bain puril che datescha dal 17avel tschientaner. Il center ha plaz per 58 persunas en chombras da 4, 8 u 12 persunas.

Tut quels che van a Salecina, na pon betg ir là a far nagut, els ston gidar a cuschinar, far si letgs, lavar giu ed uschia vinavant. Salecina tutga als giasts e vegn administrà autonomamain.

Concept Salecina ha success
Ils enconuschiders da Salecina dian ch’il plaschair da la cuntrada, da la cumpagnia tranter ils giasts e dad avair in center che funcziuna ha manà ad in'evidenza che marscha a Salecina. Perquai ha il concept Salecina gì success.

(ht/fa/rtr)