Project da nudar: Miracul blau 2012 è dà en l’aua
-
- Zoom
- Er midar sin il cjact n'ha gidà nagut. Ernst Bromeis na po betg terminar ses project dal Miracul blau. (mad)
Il project da nudar, Il miracul blau - Rain 2012, dad Ernst Bromeis è a fin. Quai ha Svizra Turissem communitgà.
Pervi da la sanadad na possia Bromeis betg cuntinuar, quai suenter 400 kilometers da total 1'230 kilometers.
Il cumenzament da matg aveva Ernst Bromeis inizià ses viadi davent da la tgina dal Rain, il Lai da Tuma, enfin la sbuccada a Hoek van Holland.
El haja gì da cumbatter surtut pervi da l'aura fraida e la planisaziun da las etappas saja stada memia optimistica, uschia Bromeis.
Tar las emprimas ediziuns dal Miracul blau era Ernst Bromeis nudà il 2010 tras ils gronds lais da la Svizra ed il 2008 tras 200 lais dal Grischun.
(fa/rtr/cdm)
