Hotel Lumnezia: Naginas segundas abitaziuns
-
- Zoom
- La visualisaziun dal project hotel Lumnezia a Morissen. (abitabel architectura)
Il project per in nov hotel a Morissen duai uss vegnir realisà senza segundas abitaziuns. Tar l’emprima varianta eri previs da realisar 24 chombras e 14 abitaziuns. Da quellas 14 abitaziuns avessan 6 dui vegnir vendidas. Vul dir: 6 segundas abitaziuns ed 8 abitaziuns administradas da l’hotel.
Suenter la votaziun dal mars èn ils plans sa midads. Uss duajan tuttas 14 abitaziuns vegnir administradas da l’hotel. Quai ha Oliver Caduff dal biro d’architectura abitabel ha ditg. La dumonda da bajegiar duai anc vegnir publitgada quest onn.
La midada da zona tracta la vischnanca ils 25 da matg. Per pudair realisar il project sto la zona vegnir midada dad ina zona da mastergn en ina zona da hotel e d’abitar. (sm/rtr)
