Ils quatter clubs da la Super League han pretendì victorias da forfait per ils gieus cunter l'FC Sion, nua ch'il club dal Vallais ha laschà giugar ballapedists betg licenziads. Cun questa decisiun resta la tabella da la Super League sco quai ch'ella è actualmain.

Sche la dretgira avess acceptà ils recurs avessan ils clubs da Thun e Losanna survegnì 6 puncts dapli e Lucerna dus. En il cumbat per in plaz da l'Europa League po YB profitar da la decisiun dal CAS. Ils bernais na vegnan uschia betg surpassads da Thun ed han duas rundas avant la fin da la stagiun anc in avantatg da 5 puncts sin Thun. (sda/hs)