Cussegl federal: Cunvegna cun SSR davart rapportar da l'exteriur

Il cussegl federal ha suttascrit ina cunvegna cun la societad da radio e televisiun svizra SSR SRG per las activitads d'infurmaziun ils proxims 4 onns en l'exteriur.

La confederaziun sustegn cun radund 20 milliuns francs la plattafurma d'internet "swissinfo.org" sco era la collavuraziun cun ils emetturs da televisiun TV5 e 3Sat. Pervia d'ina reorganisaziun tar Swissinfo pon las contribuziuns da la confederaziun vegnir sbassadas per 2 fin 3 milliuns francs. (rtr/uca)