Hockey: Ulteriura terrada per la Svizra
-
- Zoom
- En in gieu senza gronda muntada ha la Svizra pers cunter ils Stadis Unids cun 2:5. (SF)
A Helsinki ha l'equipa naziunala svizra prendì cumià dal campiunadi mundial da hockey sin glatsch. La Svizra ha pers la partida cunter ils Stadis Unids cun 2:5.
Quai è stada la 5avla terrada en il 7avel gieu per l'equipa da Sean Simpson. La Svizra ha terminà il campiunadi mundial sin plaz 11.
Malgrà questa terrada è la Svizra sa qualifitgada direct per ils gieus olimpics il 2014 a Sotschi. Il motiv è che la Tschechia ha battì la Germania gist cun 8:1, uschia che la Svizra è anc adina sin la plazza 9 da la rangaziun mundiala (ec/sda)
