Plant cunter Apple e consocis

Il concern Apple e 6 chasas edituras ston sa giustifitgar avant dretgira pervi da cunvegnas davart il pretsch en il sectur da cudeschs digitals, uschenumnads e-books. La giustia americana ha acceptà ina plant collectiv da consuments.

Als 7 concerns vegn rinfatschà d'avair fatg avant dus onns cunvegnas tar l'introducziun da l'i-pad e d'avair augmentà ils pretschs per cudeschs digitals. Ils concerns pertutgads snegan las rinfatschas. (ec/sda)