Mustér: Pistas èn prontas per ils dis da firà
-
- Zoom
- Per mussar che las cundiziuns da naiv sajan bunas, avran las pendicularas las pistas d'Anzainzas e Tschuncaisma. (mad)
Era quest onn porschan las pendicularas Mustér la pussaivladad dad ir cun skis d'Anzainzas e Tschuncaisma. Bunamain in'emna cuzzan las preparativas per pussibilitar als skiunzs dad ir cun skis quests dis.
Questa fatschenta na renda dentant betg. Per quai stuessan 2’000 persunas vegnir mintga di a Mustér cun skis. Da quest temp na giajan betg pli blers cun skis, di Hansjürg Lehmann, directur da las pendicularas Mustèr. Hansjürg Lehmann quinta cun 200 enfin 300 persunas per di.
Bunas cundiziuns d’ir cun skis
Questa purschida na porschian las pendicularas betg per far fatschenta, mabain per mussar ch'il territori da Mustér haja bunas cundiziuns da naiv, uschia ch'i saja ditg pussaivel dad ir cun skis. (sm/rtr)
