Hergiswil: 2 blessads en hotel ardent
A Hergiswil en il chantun Sutsilvania han ils pumpiers stuì evacuar 23 persunas ord in hotel ardent. Tenor communicaziuns da la polizia da Sutsilvania ha ina centrifuga da laschiva, in uschè numnà tumbler, piglià fieu en il plaun sutterran da l'hotel.
Duas persunas èn vegnidas blessadas. Ina dad ellas è sa blessada cun siglir or da l'emprima auzada. L'autra patescha d'ina tissientada da fim. Tar l'incendi hai dà bler fim, uschè che blers giasts èn fugids sin ils balcuns da lur chombras. Passa 130 pumpiers èn stads en acziun. L'alarm è rut or questa notg curt suenter las trais. (sd/sda)
