Siria: 9 morts tar attentat
-
- Zoom
- Gidanters da l'UN gidan da far urden suenter l'attentat. (Reuters)
En la Siria hai da novamain dà in attentat. En consequenza d'ina bumba ch'è explodida en in auto en l'ost dal pajais èn almain 9 persunas vegnidas per la vita.
Ulteriuras 100 persunas sajan vegnidas blessadas tar l'attentat da suicidi. Quai han communitgà meds da massa sirians.
Fertant che la regenza siriana discurra d'ina attatga da terror, è l'opposiziun da l'avis, che l'attatga saja in act da vendetga da la regenza da Baschar al-Assad.
Tenor infurmaziuns d'in post d'observaziun per ils dretgs umans sirian è la bumba explodida manaivel da bajetgs dal servetsch secret. (sd/reuters)
