Bologna: Ferm terratrembel chaschuna 6 morts e var 50 blessads
-
- Zoom
- L'epicenter è stà 35 kilometers en il nord-vest da Bologna e mo bundant 10 kilometers sut terra. (Keystone)
Ferm terratrembel en il nord da l'Italia. Oz en damaun ha la terra stremblì en la vischinanza da Bologna en la regiun Emilia-Romagna. Tenor indicaziuns da l'observatori da terratrembels american haja il terratrembel cuntanschì ina fermezza da 5,9 sin la scala da Richter. In terratrembel ha mazzà almain 6 persunas. Passa 50 èn vegnidas blessadas. Quai rapportan ils trups da salvament.
Almain trais persunas èn mortas en las ruinas da bajetgs sballunads. In'ulteriura persuna, ina dunna da 37 onns saja probabel morta entras la panica, chaschunada tras il terratrembel. Tenor in lectur da 20 minutas saja il terratrembel stà da sentir fin a Puntraschigna. (sd/sda/20min)
