Champions League: Chelsea gudogna il titel
-
- Zoom
- Il capitani Frank Lampard cun la trofea da la Champions League. (Reuters)
Il victur da la Champions League 2012 sa numna Chelsea. L’equipa che vegn trenada dal svizzer Roberto Di Matteo ha battì en il final a Minca Bayern München cun 4:3 suenter sajettar penaltis. Per l’equipa da Londra è quai l’emprim titel en la Champions League.
L’um dal gieu è stà Didier Drogba. Il giugader da la Costa d’Ivur ha pudì egualisar curt avant la fin agl 1:1 ed en la lutga da penaltis ha Drobga nizzegià il penalti decisiv. Per Bayern München èsi ina greva terrada. L’equipa da Jupp Heynckes ha numnadamain gì dapli dal gieu ed è stada pliras giadas curt avant il success. En la 83avla ha Thomas Müller manà ils da Bayern cun 1:0 en avantatg. En la prolungaziun n’ha Arjen Robben betg nizzegiar in penalti ed en la lutga da penaltis n’han la finala Ivica Olic e Bastian Schweinsteiger betg tuc il gol. (aw/sda)
